Als Banaterin bin ich froh, dass die Lenauheimer einen so vielseitigen und engagierten Landsmann als HOG Vorsitzenden haben. Mir Heidrun Hockl, als Landsmännin, ist es ein Bedürfnis, Werner Griebel  zum Geburtstag zu gratulieren und auch mal zu sagen, und dies im Lenauheimer Dialekt:

Danke, lieber Werner!

De Nikolaus Lenau is allbekannt,
denne, die lebte im Schwoweland.
Doch noch eene misst`r kenne :
er tut sich Werner Griebel nenne.

In Lenauheim is`r uff die Welt kumm.
1990 hat`r sei Bindl genumm
un is ausgewannert – in die Kurphalz
in die großi Stadt Mannheim.

Jedenfalls, wohnt`r mit  seiner Familje  do.
Wie sen mier Lenauheimer froh
Dass m`r als HOG Vorsitzende Mann
so`n fleißiche,  – de Werner Griebel hann.

Sei Einsatz der is  iwwergroß!
Doch – niemand fallt so was in de Schoß:
Daate , Bilder, G´schichte sammle, regischtriere,
ke Landsmann aus de Au `e  verliere,

For die Banater Poscht Mitteilunge schreiwe,
u n – ich brauch net zu iwwertreiwe:
die Treffe un es Heimatbuch sin doch spitze!
Wisst ihr,  wie lang er d`feer am PC muss sitze?

Er kennt ke Feieroowed odder Paus,
weil alli Artikle misse rechtzeitig raus.
Am Telefon kannscht ne jederzeit erreiche,
sei Einsatz forr die Landsleit is ohnegleiche.

Un sei Familje, die helfe bei allem mit,
sonscht werd`des alles jo ke Stick.
Un des macht `r, dass meer uff `m Laufende bleiwe.
Fascht alles geht uff sei Kapp, des muss  m`r  net bestreite.

Dorch ihn hann die Schwowe im neie Land
un die Gemeinschaft doch noch Bestand.
Un die aldi Heimat is`m  aa net egal:
de Kerchhoff, `s Kerchedach un – saal,
instand halle muss m`r die, es wär e Schand,
wann m`r die vergesse täde im neie Land.

Un wann ihm des aa bringt manchmol Verdruss,
er wees, dass er des organisiere muss.
Er fahrt ins Banat, verhandelt un kontrolleert,
iwwerwacht eier Spende, des is net verkehrt.

Es klapprt jo aa bei annre Orte,
Des is wohr. Doch genug der Worte.
Sechzich Johr is de Werner  jetz genn
des is jo ke Geheimnis, wie ich menn.

Drum:

Alles Gudi, Dir Werner, un vill Glick
noch vill Johr mit de Isolde, deinem beschte Stick
Sege, Gsundheit un norr es allerbescht,
des winsch ich dir zu deinem Fescht.

Noch lang sollscht uns erhalde bleiwe
grad so aktiv, wie in bisheriche Zeide!

Des winscht dir`s Heidrun Hockl
un es schließe sich  aa ganz ville Lenauheimer an